ആരും ഞെട്ടരുത്. സുദീര്ഘമായ അഞ്ചു വർഷങ്ങൾക്കു ശേഷമാണ് ഈ ബ്ലോഗിൽ ഒരു പോസ്റ്റ്‌ ഇടുന്നത്. ഞാൻ ചിന്തിച്ചു, ഇതിലേക്ക് ആളെ കൂട്ടാൻ എന്ത് വഴി? പോസ്റ്റിന്റെ തലക്കെട്ട്‌ കണ്ടാൽ തന്നെ ആള് കേറണം. ഇപ്പോഴത്തെ ഒരു ട്രെൻഡ് വച്ച് വിഷയം രാഷ്ട്രീയം ആണെങ്കിൽ ഒരു ചെറിയ ആളനക്കം ഒക്കെ ഉണ്ടാവും, പ്രത്യേകിച്ച് മാർക്സിസ്റ്റുകാരെ കുറ്റം പറയുകയാണെങ്കി പിന്നെ ഒന്നും പറയണ്ട. ഒടുക്കത്തെ തള്ളിക്കേറ്റം ആയിരിക്കും.
ഭീകരമായ രാഷ്ട്രീയ നിരീക്ഷണങ്ങളും, വിമർശനങ്ങളും പ്രതീക്ഷിച്ച് ഇവിടെ എത്തിയിരിക്കുന്നവർ ഈ ഘണ്ടികക്ക് അപ്പുറം വായിക്കരുത്. വെറുതെ സമയനഷ്ടമാണ്. (ഇവിടെ ബിരിയാണി കൊടുക്കുന്നില്ല!!) വായിച്ചു കഴിഞ്ഞ് ഒടുവിൽ പരാതി പറയരുത്.
തിരഞ്ഞെടുപ്പ് ഒക്കെ വരുവല്ലേ, ചുമ്മാ ആരൊക്കെയാ നമ്മുടെ ഗെടികൾ മത്സരിക്കുന്നെ എന്നറിയാൻ ഇപ്പൊ കുറച്ചു കാലമായി പത്രം വായിക്കുന്നുണ്ട്. കൂട്ടത്തിൽ കണ്ട ചില വാർത്തകളെക്കുറിച്ച് ഈയുള്ളവന്റെ അഭിപ്രായം ചരിത്രത്തിൽ രേഖപ്പെടുത്തണം എന്നു തോന്നി. അത്ര മാത്രം.
ആദ്യം ഇതിന്റെ തലക്കെട്ടിനെപ്പറ്റി പറയാം. കഴിഞ്ഞ ദിവസം ഓഫീസിൽ ചുമ്മാ ഒരു പണിയുമില്ലാതെ അമേരിക്കൻ കുത്തക ബൂർഷ്വാസികളുടെ ശംബളവും വാങ്ങി ബോറടിച്ച് ഇരിക്കുമ്പോഴാണ് ഈ വെളിപാടുണ്ടാവുന്നത്. തലക്കെട്ടിന്റെ ആദ്യത്തെ ഭാഗം വിട്ടേക്കൂ, മതം കറുപ്പോ വെളുപ്പോ ആവട്ടെ. അത് തല്ക്കാലം നമ്മൾ കാര്യമാക്കുന്നില്ല. ഞാൻ പറയാൻ ഉദ്ദേശിക്കുന്നത് നമ്മുടെ കേരളത്തിലെ (കേരളത്തിലെ മാത്രം) മതങ്ങളെയും പ്രധാനപ്പെട്ട രണ്ടു പാർട്ടികളുടെയും വികലമായ ഒരു താരതമ്യമാണ്. (കോട്ടയം നിയുക്ത സ്ഥാനാർഥി ബിഷപ്പിനെ കാണാൻ പോയ കഥയല്ല)
ഞാൻ മാർക്സിസ്റ്റു പാർട്ടിയെ ഇന്ത്യയിലേക്ക്‌ വന്നു ചേർന്ന സെമറ്റിക് മതങ്ങളോടും കോണ്‍ഗ്രസ്‌ പാർട്ടിയെ ഇന്ത്യയിൽ നിലവിലുണ്ടായിരുന്ന ഹിന്ദു സംസ്കാരത്തോടും താരതമ്യം ചെയ്യുന്നു.
(ഇത് വെറും ഒരു നേരംപോക്ക് മാത്രമാണ്. ആരെയും നല്ലതെന്നോ ചീത്ത എന്നോ ഞാൻ പറയുകയില്ല. ഇത് വായിച്ചു ആർക്കെങ്കിലും എന്തെങ്കിലും മനോവിഷമം ഉണ്ടാവുകയാണെങ്കിൽ ഈ പോസ്റ്റ്‌ മുൻകാലപ്രാബല്യത്തോടെ ഡിലീറ്റ് ചെയ്തതായി ഇവിടെ പ്രസ്താവിച്ചു കൊള്ളുന്നു.)
വെറുതെ താരതമ്യം ചെയയുവല്ല, എനിക്കതിനു വെറും ബാലിശമായ കുറച്ചു കാരണങ്ങൾ ഉണ്ട്.
ഒന്നാമതായി മാര്ക്സിസ്റ്റു പാർട്ടിക്കും മേൽപ്പറഞ്ഞ മതങ്ങൾക്കും വ്യക്തമായ കൃത്യമായി രേഖപ്പെടുത്തിയ ഒരു തത്വസംഹിത ഉണ്ട്. (രണ്ടു കൂട്ടരിലും എത്ര പേർ അതനുസരിച്ച് ജീവിക്കുന്നുണ്ട് എന്ന് ചോദിക്കരുത്). അങ്ങനെ വ്യക്തമായി രേഖപ്പെടുത്തിയ ഒരു നിയമാവലിയാണ് രണ്ടു കൂട്ടരുടെയും ഏറ്റവും വലിയ ശക്തി. ചില സമയങ്ങളിൽ ദൌര്ബല്യവും. ദൌര്ബല്യം ആവുന്നതെങ്ങനെ എന്ന് ഞാൻ പിന്നീട് പറയാം. കോണ്‍ഗ്രസ്‌ പാർട്ടിക്ക് അങ്ങനെ ഒന്ന് എന്ന് എടുത്ത് കാണിക്കാൻ ഒരെണ്ണം ഇല്ല. ഗാന്ധിജിയുടെ ആതമകഥ, നെഹ്രുവിന്റെ കൃതികൾ അങ്ങനെ മറ്റനേകം ഉണ്ട്. ഹിന്ദു സംസ്കാരവും ഏതാണ്ട് അങ്ങനൊക്കെതന്നെയാണ്. ഭഗവത് ഗീത, വേദങ്ങൾ, ഉപനിഷത്തുകൾ അങ്ങനെ ഒരുപാടുണ്ട്. ഇതും ഒരർത്ഥത്തിൽ നല്ലതാണ്. കാലം കഴിയുന്തോറും പരിഷ്കരണങ്ങൾ കുറേക്കൂടി എളുപ്പമാകുന്നു. ഇവിടെയാണ് ഞാൻ നേരത്തേ പറഞ്ഞ ദൌർബല്യതിന്റെ പ്രസക്തി. കോണ്‍ഗ്രസ്‌ പാര്ട്ടി ഗാന്ധിജിയുടെ ആത്മകഥ പ്രമാണമായി സ്വീകരിച്ച് ഇവിടെ നിയമ നിർമാണം നടത്തിയിരുന്നെങ്കിൽ, കുട്ടികൾ ഉണ്ടാവാൻ വേണ്ടിയല്ലാതെ ഉള്ള ലൈന്കീകബന്ധം ഇവിടെ ക്രിമിനൽ കുറ്റം ആകുമായിരുന്നു. (ദൈവമേ നീ കാത്തു..)
രണ്ടാമത്തെ താരതമ്യം രസകരമാണ്, മാർക്സിസ്റ്റുകാർ ജനങ്ങളെ പേടിപ്പിക്കുന്നത് ബൂർഷ്വാ മുതലാളിത്വത്തെ കാട്ടിയാണ്, മതങ്ങൾ ദൈവത്തെ കാട്ടിയും . ഇവ രണ്ടും ഉണ്ട് എന്ന് നമുക്കറിയാം, പക്ഷേ കാണാൻ പറ്റില്ല. കോണ്‍ഗ്രസിന്റെ കാര്യം കഷ്ടമാണ്, ഏതെങ്കിലും ഒന്നിനെ സ്ഥിരമായി എടുത്തു കാണിക്കാൻ ഇല്ല. ഞങ്ങ ഹിന്ദുക്കളെപ്പോലെ, ഒരുപാടുണ്ടേ.
മൂന്നാമതായി പാർട്ടികൾ എങ്ങനെ ആളെ കൂട്ടുന്നു എന്നുള്ളതാണ്. അടിസ്ഥാനപരമായി മാർക്സിസ്റ്റ്‌ പാർട്ടി മാർക്സിസം പ്രചരിപ്പിക്കുന്നതിൽ ശ്രദ്ധിക്കുന്നു, പക്ഷേ കോണ്‍ഗ്രസ്‌ പ്രചരിപ്പിക്കുന്നതിൽ വളരെ പിറകിലാണ് (പ്രചരിപ്പിക്കാൻ മാത്രം ഒന്നും ഇല്ലാത്തത് കൊണ്ടല്ല). മറിച്ച് കോണ്‍ഗ്രസ്‌ വ്യത്യസ്ത ആശയങ്ങളുമായി സമരസപ്പെടുകയാണ് ചെയ്യുന്നത്, ഒരു പുതിയ ആശയം മാർക്സിസ്റ്റുകാർ ഏറ്റവും അവസാനം മാത്രം അംഗീകരിക്കുന്നത് ഇതുകൊണ്ടാവാം. സെമറ്റിക് മതങ്ങളും ഹിന്ദു സംസ്കാരവും തമ്മിലുള്ള വ്യത്യാസവും അതാണ്‌.
ഇനി താരതമ്യ പഠനം നിർത്താം. വിഷയത്തിലേക്ക് വരാം. കഴിഞ്ഞ കുറച്ചു ദിവസങ്ങളായി RSP ഇടതു നിന്നും വലത്തോട്ട് ചാടിയതിന്റെ വരും വരായ്കകളെ കുറിച്ചുള്ള കൊണ്ടു പിടിച്ച ചര്ച്ചയാണല്ലോ. 30 വർഷമായി കൂടെയുണ്ടായിരുന്ന പാർട്ടി ഇട്ടെറിഞ്ഞു പോയി. CPIM ന്റെ അവസാനം അടുക്കാറായി എന്നൊക്കെയാണ് അടിച്ചു വിടുന്നത്. കൊല്ലം സീറ്റ്‌ RSP ക്ക് കൊടുക്കാമായിരുന്നു എന്നൊക്കെയാ കടുത്ത ഇടതുപക്ഷ അനുഭാവികൾ പോലും പറയുന്നത്(ഇതാ വിവരമുള്ളവർ പറയുന്നത് നിങ്ങൾക്ക് ഈ പാർട്ടിയെപ്പറ്റി ഒരു ചുക്കും അറിയില്ല എന്ന്). പക്ഷെ ഞാൻ കരുതുന്നത് RSP പോയാൽ പോവട്ടെ എന്ന് തന്നെയാണ് CPIM ന്റെ നേതൃത്വം കരുതിയിരുന്നത്. LDF മുന്നണിയിലേക്ക് 2 ലോകസഭ സീറ്റും 9 നിയമസഭാ സീറ്റും കൊണ്ടു വന്ന RSP തിരിച്ചു കൊണ്ട് പോകുന്നത് രണ്ടേരണ്ടു നിയമസഭസീറ്റും ഏതാനും കോർപറേഷൻ സ്ഥാനങ്ങളും മാത്രമാണ്. അപ്പൊ തളർന്നത് CPIM ആണോ RSP ആണോ. എന്തുകൊണ്ടാണ് മുഖ്യമന്ത്രി സ്ഥാനം പോലും ഓഫർ വന്നിട്ടും മാണി സാർ കടുത്ത തീരുമാനം ഒന്നും എടുക്കാത്തത്? ഇപ്പൊ ഇടത്തോട്ട് ചാടിയാൽ തല്ക്കാലത്തേക്ക് മുഖ്യമന്ത്രി സ്ഥാനവും രണ്ടു പാർലമെന്റ് സീറ്റും കിട്ടുമായിരിക്കും പക്ഷേ അടുത്ത ഒരു വ്യാഴവട്ടതിനുള്ളിൽ കേരളാ കോണ്‍ഗ്രെസ്സിന്റെ കാര്യം ഒരു തീരുമാനം ആവും. ശക്തിയുള്ളവൻ നിലനിൽക്കും എന്നുള്ളത് ഒരു പ്രപഞ്ച സത്യമാണ്. അത് ശരീര ശക്തി തന്നെ ആവണമെന്നില്ല, ബുദ്ധിശക്തി ആയാലും മതി.
ഞാൻ കരുതുന്നു CPIM ന്റെ ഏറ്റവും ധീരമായ ഒരു തീരുമാനമാണ് ബേബി സഖാവിനെ കൊല്ലത്ത് മത്സരിപ്പിക്കാൻ എടുത്തത്. RSP മുന്നണി മാറിയാലും കൊല്ലം സീറ്റ്‌ കയിൽ തന്നെ വക്കും എന്നാ തീരുമാനം. RSP യെ പിണക്കിയത്തിൽ പരിഭവം പൂണ്ട കൊല്ലത്തെ അണികൾക്കു വളരെ വലിയ ഒരു ഉത്തരവാദിത്വമാണ് CPIM നേതൃത്വം നല്കിയിരിക്കുന്നത്. ഇപ്പൊ കൊല്ലം സീറ്റ്‌ എങ്ങനെയും നേടുക എന്നത് ഓരോ CPIM കാരന്റെയും അഭിമാനത്തിന്റെ പ്രശ്നമാണ്. RSP പോയപ്പോൾ മറ്റൊരു പാർട്ടിക്ക് സീറ്റ്‌ കൊടുത്തത് വെറും തന്ത്രം മാത്രമാണ്, കളഞ്ഞിട്ടു പോകേണ്ട കാര്യമില്ലായിരുന്നു എന്ന് RSP ക്ക് തോന്നണം മാത്രമല്ല രണ്ടു മരുമക്കൾ ഒരുമിച്ചു വീട് വിട്ടു പോയാ അമ്മായിഅമ്മേടെ പിടിപ്പുകേടാണെന്ന് നാട്ടുകാര് പറയുകേം ചെയയും. ഇനിയൊരു രണ്ടു വ്യഴവട്ടങ്ങൾക്കുള്ളിൽ കേരളത്തിൽ ഒരു പാർട്ടിയും ഒരു മുന്നണിയും തമ്മിലായിരിക്കും മത്സരം (BJP അക്കൗണ്ട്‌ തുറന്നില്ലെങ്കിൽ). CPIM വളരുകയാണ്, തളരുകയല്ല.
ഇനി പറയാൻ പോകുന്ന കാര്യം ഇച്ചിരി പെഴ്സണൽ ആണ്. മറ്റൊന്നുമല്ല, രണ്ടു മുന്നണികളും ഞങ്ങൾ ചാലക്കുടിക്കാരോട് ചെയ്തത് വല്ലാത്ത ചെയ്ത്തായിപ്പോയി. ഇച്ചിരി കൊള്ളാവുന്ന ആരെയും കിട്ടിയില്ലേ സ്ഥാനാർഥി ആക്കാൻ? (കൊള്ളാവുന്ന എന്ന് കവി ഉദേശിച്ചത് രാഷ്ട്രീയത്തിന് കൊള്ളാവുന്ന എന്നാണ്, സിനിമക്ക് എന്നല്ല). തൃശ്ശൂര് ടോൾ പ്ലാസ ഉണ്ടാക്കിയ ചേട്ടനെ അവിടുന്ന് പാർസൽ ചെയ്ത് ചാലക്കുടിയിൽ ഇറക്കി. ചാലക്കുടി പാലത്തിനും ടോൾ വക്കാൻ ആണെന്നാ facebook ചേട്ടന്മാർ പറയുന്നേ. പിന്നെ ഞങ്ങടെ ഇന്നച്ചൻ. പുള്ളിക്കാരനെ ഞങ്ങക്കൊക്കെ പെരുത്ത് ഇഷ്ടാ, സിനിമേ കാണാൻ. പണ്ടെങ്ങാണ്ടോ ഇരിഞ്ഞാലക്കുട മുന്സിപൽ കൌണ്സിലർ ആയതാണ് ആകെയുള്ള രാഷ്ട്രീയ പരിചയം (ഒരു രാഷ്ട്രീയ പരിചയവുമില്ലാത്ത അരവിന്ദ് കേജ്രിവാളിനെ മുഖ്യമന്ത്രി ആക്കിയ നാടല്ലേ ഇത് എന്നൊന്നും ചോദിക്കരുത്), അതിനെപ്പറ്റിയാണെങ്കി പുള്ളിക്കാരന് തന്നെ വല്യ മതിപ്പില്ല. പിന്നെ ഒരു ഗുണമുള്ളത് സഖാവ് പിണറായിയെപ്പോലെ ഒരു സംഘടനയെ ഒരു വ്യാഴവട്ടക്കാലം നയിച്ചു എന്നുള്ളതാണ്. അതൊരു ചെറിയ കാര്യമല്ല. കാര്യം എണ്ണത്തിൽ കുറവാണെങ്കിലും കുറെ മലയാളികളെയല്ലേ നയിച്ചു ശീലിച്ചിരിക്കുന്നത്, അതുകൊണ്ടൊരു പ്രതീക്ഷ. (ഒരേ ഒരു വിഷമമേ ഉള്ളൂ, ഇന്നച്ചൻ എല്ലാം തുറന്നു പറയുന്ന ആളാണ്‌. ഇനി ഒരു നാലഞ്ചു വർഷങ്ങൾക്കപ്പുറം ഇന്നച്ചൻ സ്റ്റൈലിൽ - 'ലാലും മമ്മൂട്ടിയും ഒക്കെ എന്നെപ്പോലെ നടന്മാരാണ്, പക്ഷേ അവർ പദ്മശ്രീയും കേണലും ഒക്കെ ആയതോണ്ട് മരിക്കുമ്പോ ഒരു ആചാരവെടി ഒക്കെ കിട്ടും, എനിക്കും അങ്ങനെ എന്തേലും കിട്ടണം എന്നൊരു പൂതി, അതിന്റെ പുറത്താണ് പർലമെന്റ് ഇലക്ഷനിൽ മത്സരിച്ചത്' - എന്ന് ഇന്നച്ചൻ പറയാതിരുന്നാ മതിയായിരുന്നു)
ഇന്നലെ facebook ഇൽ ഇന്നച്ചന്റെ ഒരു പോസ്റ്റ്‌ കണ്ടു, ആത്മകഥയിൽ നിന്നും ഒരു അദ്ധ്യായം. വളരെ വൈകാരികമായി അദേഹത്തിന്റെ അപ്പനെക്കുറിച്ചും പാർട്ടിയെ കുറിച്ചും എഴുതിയിട്ടുണ്ട്. അത് എടുത്ത് facebook ഇൽ ഇടാൻ കാണിച്ച ബുദ്ധിക്ക് ഒരു സലാം. (ഇന്നച്ചൻ രാഷ്ട്രീയം പഠിച്ചു... ). ആ അദ്ധ്യായം ഇന്നച്ചൻ അവസാനിപ്പിക്കുന്നത് ഇങ്ങനെയാണ്. എന്നെങ്കിലും ഒരിക്കൽ ഒരു യഥാർത്ഥ കമ്മ്യൂണിസ്റ്റ്‌കാരനെ കണ്ടെത്തുകയാണെങ്കിൽ അപ്പന്റെ കുഴിമാടത്തിൽ കൊണ്ട് വന്ന് ഇങ്കിലാബ് വിളിക്കും എന്ന്. എനിക്കൊന്നേ പറയാനുള്ളൂ, ഒരു കഥയാണ്. പണ്ട് ഒരാൾ ദൈവത്തെ തേടി ഇറങ്ങി. ഒരുപാടു അമ്പലങ്ങളിലും പള്ളികളിലും അലഞ്ഞു നടന്നു, ഒടുവിൽ നിരാശനായി നിൽക്കുമ്പോൾ ഒരു പാവം അപ്പൂപ്പൻ അയാളോട് പറഞ്ഞു, നീ ദൈവത്തെ എല്ലായിടത്തും തിരഞ്ഞു ഒരിടത്തൊഴിച്; നിന്റെ ഉള്ളിൽ.
അത് പോലെ ഇന്നച്ചൻ ചേട്ടാ സ്വന്തം ഉള്ളിലേക്ക് നോക്കൂ അവിടെ സ്വയം ഒരു യഥാർത്ഥ കമ്മ്യൂണിസ്റ്റ്‌കാരനെ കാണുന്നെങ്കിൽ ധൈര്യമായി അപ്പന്റെ കുഴിമാടത്തിൽ പോയി ഇങ്കിലാബ് വിളിക്കൂ. ലാൽ സലാം.
TP വധക്കേസിന്റെ പാർട്ടി റിപ്പോർട്ട്‌ അണികൾ പോലും വിശ്വസിക്കില്ല എന്നാണ് KK രമ പറയുന്നത്. അത് എഴുതിയുണ്ടാക്കിയ ആൾക്കാർ പോലും വിശ്വസിച്ചിട്ടില്ല പിന്നല്ലേ അണികൾ.
ഇടക്കൊക്കെ CPIM നു ചരിത്രപരമായ മണ്ടത്തരം പറ്റും എന്ന് പറയുന്നത് ഇതാണ്. TP മരിച്ചത് അധികാരത്തിനു വേണ്ടി ആയിരുന്നില്ല, ആയിരുന്നെങ്കിൽ TP കൊല്ലപ്പെടുമായിരുന്നില്ല. TP യുടെ മരണം ഒരു നിലപാടിന് വേണ്ടിയായിരുന്നു. (യേശുദേവൻ ക്രൂശിക്കപ്പെട്ടതും ഒരു നിലപാടിന് വേണ്ടിയായിരുന്നു). അതുകൊണ്ടാണ് TP വധം ഇപ്പോഴും CPIM നെ വെട്ടയാടിക്കൊണ്ടിരിക്കുന്നത്. പക്ഷെ ഈ ഒരു കാരണം കൊണ്ട് മാത്രം പാർട്ടിയുടെ അടിത്തറ ഇളകി എന്നൊക്കെ പറയുന്നത് അമൃതാനന്ദമയിയെക്കുറിച്ചുള്ള ആരോപണങ്ങൾ ഹിന്ദു മതത്തെ തകർക്കും എന്ന് പറയുന്ന പോലെ ബാലിശമാണ്.
എഴുതി വന്നപ്പോ ഒത്തിരി കൂടിപ്പോയി. സദയം ക്ഷമിക്കുക.
ഇനി ഇത്രേം വായിച്ചതും പോര എന്നെ നാലു ചീത്ത കൂടെ വിളിക്കണം എന്നുള്ളവർക്ക് താഴെ കമന്റ്‌ ബോക്സിൽ കാര്യം സാധിക്കാവുന്നതാണ്. അമ്മയാണെ ഞാൻ കമന്റ്സ് വായിച്ചു നോക്കില്ല. പിന്നെ എന്തൊക്കെ വിളിച്ചാലും എന്നെ കോണ്‍ഗ്രെസ്സുകാരാ എന്ന് മാത്രം വിളിക്കരുത്. വെറുത്തു പോയി, അതുകൊണ്ടാ.
ഇതിൽ എഴുതിയിരിക്കുന്ന ഓരോ വരിക്കിടയിലും വായിച്ചു സംശയോം ചോദിച്ചോണ്ട് വന്നേക്കരുത്. പാർട്ടി സ്റ്റഡി ക്ലാസ്സിലോന്നും നേരെ ചൊവ്വേ വരാത്തത് കൊണ്ടാണ് നിങ്ങൾക്കൊന്നും മനസ്സിലാവാത്തത്.
അടിവസ്ത്രം: (ഛെ തെറ്റി, ഉറക്കപ്പിച്ചാ ക്ഷമിക്കണം. അടിക്കുറിപ്പ്: )
കേരളത്തിൽ 20 സീറ്റും UDF നേടും - രമേശ്‌ ചെന്നിത്തല
തോല്ക്കുന്നതിനു തൊട്ടു മുൻപ് വരെ, ആത്മവിശ്വാസം വളരെ നല്ലതാണു - ലാലേട്ടൻ
ഭീകരമായ രാഷ്ട്രീയ നിരീക്ഷണങ്ങളും, വിമർശനങ്ങളും പ്രതീക്ഷിച്ച് ഇവിടെ എത്തിയിരിക്കുന്നവർ ഈ ഘണ്ടികക്ക് അപ്പുറം വായിക്കരുത്. വെറുതെ സമയനഷ്ടമാണ്. (ഇവിടെ ബിരിയാണി കൊടുക്കുന്നില്ല!!) വായിച്ചു കഴിഞ്ഞ് ഒടുവിൽ പരാതി പറയരുത്.
തിരഞ്ഞെടുപ്പ് ഒക്കെ വരുവല്ലേ, ചുമ്മാ ആരൊക്കെയാ നമ്മുടെ ഗെടികൾ മത്സരിക്കുന്നെ എന്നറിയാൻ ഇപ്പൊ കുറച്ചു കാലമായി പത്രം വായിക്കുന്നുണ്ട്. കൂട്ടത്തിൽ കണ്ട ചില വാർത്തകളെക്കുറിച്ച് ഈയുള്ളവന്റെ അഭിപ്രായം ചരിത്രത്തിൽ രേഖപ്പെടുത്തണം എന്നു തോന്നി. അത്ര മാത്രം.
ആദ്യം ഇതിന്റെ തലക്കെട്ടിനെപ്പറ്റി പറയാം. കഴിഞ്ഞ ദിവസം ഓഫീസിൽ ചുമ്മാ ഒരു പണിയുമില്ലാതെ അമേരിക്കൻ കുത്തക ബൂർഷ്വാസികളുടെ ശംബളവും വാങ്ങി ബോറടിച്ച് ഇരിക്കുമ്പോഴാണ് ഈ വെളിപാടുണ്ടാവുന്നത്. തലക്കെട്ടിന്റെ ആദ്യത്തെ ഭാഗം വിട്ടേക്കൂ, മതം കറുപ്പോ വെളുപ്പോ ആവട്ടെ. അത് തല്ക്കാലം നമ്മൾ കാര്യമാക്കുന്നില്ല. ഞാൻ പറയാൻ ഉദ്ദേശിക്കുന്നത് നമ്മുടെ കേരളത്തിലെ (കേരളത്തിലെ മാത്രം) മതങ്ങളെയും പ്രധാനപ്പെട്ട രണ്ടു പാർട്ടികളുടെയും വികലമായ ഒരു താരതമ്യമാണ്. (കോട്ടയം നിയുക്ത സ്ഥാനാർഥി ബിഷപ്പിനെ കാണാൻ പോയ കഥയല്ല)
ഞാൻ മാർക്സിസ്റ്റു പാർട്ടിയെ ഇന്ത്യയിലേക്ക്‌ വന്നു ചേർന്ന സെമറ്റിക് മതങ്ങളോടും കോണ്‍ഗ്രസ്‌ പാർട്ടിയെ ഇന്ത്യയിൽ നിലവിലുണ്ടായിരുന്ന ഹിന്ദു സംസ്കാരത്തോടും താരതമ്യം ചെയ്യുന്നു.
(ഇത് വെറും ഒരു നേരംപോക്ക് മാത്രമാണ്. ആരെയും നല്ലതെന്നോ ചീത്ത എന്നോ ഞാൻ പറയുകയില്ല. ഇത് വായിച്ചു ആർക്കെങ്കിലും എന്തെങ്കിലും മനോവിഷമം ഉണ്ടാവുകയാണെങ്കിൽ ഈ പോസ്റ്റ്‌ മുൻകാലപ്രാബല്യത്തോടെ ഡിലീറ്റ് ചെയ്തതായി ഇവിടെ പ്രസ്താവിച്ചു കൊള്ളുന്നു.)
വെറുതെ താരതമ്യം ചെയയുവല്ല, എനിക്കതിനു വെറും ബാലിശമായ കുറച്ചു കാരണങ്ങൾ ഉണ്ട്.
ഒന്നാമതായി മാര്ക്സിസ്റ്റു പാർട്ടിക്കും മേൽപ്പറഞ്ഞ മതങ്ങൾക്കും വ്യക്തമായ കൃത്യമായി രേഖപ്പെടുത്തിയ ഒരു തത്വസംഹിത ഉണ്ട്. (രണ്ടു കൂട്ടരിലും എത്ര പേർ അതനുസരിച്ച് ജീവിക്കുന്നുണ്ട് എന്ന് ചോദിക്കരുത്). അങ്ങനെ വ്യക്തമായി രേഖപ്പെടുത്തിയ ഒരു നിയമാവലിയാണ് രണ്ടു കൂട്ടരുടെയും ഏറ്റവും വലിയ ശക്തി. ചില സമയങ്ങളിൽ ദൌര്ബല്യവും. ദൌര്ബല്യം ആവുന്നതെങ്ങനെ എന്ന് ഞാൻ പിന്നീട് പറയാം. കോണ്‍ഗ്രസ്‌ പാർട്ടിക്ക് അങ്ങനെ ഒന്ന് എന്ന് എടുത്ത് കാണിക്കാൻ ഒരെണ്ണം ഇല്ല. ഗാന്ധിജിയുടെ ആതമകഥ, നെഹ്രുവിന്റെ കൃതികൾ അങ്ങനെ മറ്റനേകം ഉണ്ട്. ഹിന്ദു സംസ്കാരവും ഏതാണ്ട് അങ്ങനൊക്കെതന്നെയാണ്. ഭഗവത് ഗീത, വേദങ്ങൾ, ഉപനിഷത്തുകൾ അങ്ങനെ ഒരുപാടുണ്ട്. ഇതും ഒരർത്ഥത്തിൽ നല്ലതാണ്. കാലം കഴിയുന്തോറും പരിഷ്കരണങ്ങൾ കുറേക്കൂടി എളുപ്പമാകുന്നു. ഇവിടെയാണ് ഞാൻ നേരത്തേ പറഞ്ഞ ദൌർബല്യതിന്റെ പ്രസക്തി. കോണ്‍ഗ്രസ്‌ പാര്ട്ടി ഗാന്ധിജിയുടെ ആത്മകഥ പ്രമാണമായി സ്വീകരിച്ച് ഇവിടെ നിയമ നിർമാണം നടത്തിയിരുന്നെങ്കിൽ, കുട്ടികൾ ഉണ്ടാവാൻ വേണ്ടിയല്ലാതെ ഉള്ള ലൈന്കീകബന്ധം ഇവിടെ ക്രിമിനൽ കുറ്റം ആകുമായിരുന്നു. (ദൈവമേ നീ കാത്തു..)
രണ്ടാമത്തെ താരതമ്യം രസകരമാണ്, മാർക്സിസ്റ്റുകാർ ജനങ്ങളെ പേടിപ്പിക്കുന്നത് ബൂർഷ്വാ മുതലാളിത്വത്തെ കാട്ടിയാണ്, മതങ്ങൾ ദൈവത്തെ കാട്ടിയും . ഇവ രണ്ടും ഉണ്ട് എന്ന് നമുക്കറിയാം, പക്ഷേ കാണാൻ പറ്റില്ല. കോണ്‍ഗ്രസിന്റെ കാര്യം കഷ്ടമാണ്, ഏതെങ്കിലും ഒന്നിനെ സ്ഥിരമായി എടുത്തു കാണിക്കാൻ ഇല്ല. ഞങ്ങ ഹിന്ദുക്കളെപ്പോലെ, ഒരുപാടുണ്ടേ.
മൂന്നാമതായി പാർട്ടികൾ എങ്ങനെ ആളെ കൂട്ടുന്നു എന്നുള്ളതാണ്. അടിസ്ഥാനപരമായി മാർക്സിസ്റ്റ്‌ പാർട്ടി മാർക്സിസം പ്രചരിപ്പിക്കുന്നതിൽ ശ്രദ്ധിക്കുന്നു, പക്ഷേ കോണ്‍ഗ്രസ്‌ പ്രചരിപ്പിക്കുന്നതിൽ വളരെ പിറകിലാണ് (പ്രചരിപ്പിക്കാൻ മാത്രം ഒന്നും ഇല്ലാത്തത് കൊണ്ടല്ല). മറിച്ച് കോണ്‍ഗ്രസ്‌ വ്യത്യസ്ത ആശയങ്ങളുമായി സമരസപ്പെടുകയാണ് ചെയ്യുന്നത്, ഒരു പുതിയ ആശയം മാർക്സിസ്റ്റുകാർ ഏറ്റവും അവസാനം മാത്രം അംഗീകരിക്കുന്നത് ഇതുകൊണ്ടാവാം. സെമറ്റിക് മതങ്ങളും ഹിന്ദു സംസ്കാരവും തമ്മിലുള്ള വ്യത്യാസവും അതാണ്‌.
ഇനി താരതമ്യ പഠനം നിർത്താം. വിഷയത്തിലേക്ക് വരാം. കഴിഞ്ഞ കുറച്ചു ദിവസങ്ങളായി RSP ഇടതു നിന്നും വലത്തോട്ട് ചാടിയതിന്റെ വരും വരായ്കകളെ കുറിച്ചുള്ള കൊണ്ടു പിടിച്ച ചര്ച്ചയാണല്ലോ. 30 വർഷമായി കൂടെയുണ്ടായിരുന്ന പാർട്ടി ഇട്ടെറിഞ്ഞു പോയി. CPIM ന്റെ അവസാനം അടുക്കാറായി എന്നൊക്കെയാണ് അടിച്ചു വിടുന്നത്. കൊല്ലം സീറ്റ്‌ RSP ക്ക് കൊടുക്കാമായിരുന്നു എന്നൊക്കെയാ കടുത്ത ഇടതുപക്ഷ അനുഭാവികൾ പോലും പറയുന്നത്(ഇതാ വിവരമുള്ളവർ പറയുന്നത് നിങ്ങൾക്ക് ഈ പാർട്ടിയെപ്പറ്റി ഒരു ചുക്കും അറിയില്ല എന്ന്). പക്ഷെ ഞാൻ കരുതുന്നത് RSP പോയാൽ പോവട്ടെ എന്ന് തന്നെയാണ് CPIM ന്റെ നേതൃത്വം കരുതിയിരുന്നത്. LDF മുന്നണിയിലേക്ക് 2 ലോകസഭ സീറ്റും 9 നിയമസഭാ സീറ്റും കൊണ്ടു വന്ന RSP തിരിച്ചു കൊണ്ട് പോകുന്നത് രണ്ടേരണ്ടു നിയമസഭസീറ്റും ഏതാനും കോർപറേഷൻ സ്ഥാനങ്ങളും മാത്രമാണ്. അപ്പൊ തളർന്നത് CPIM ആണോ RSP ആണോ. എന്തുകൊണ്ടാണ് മുഖ്യമന്ത്രി സ്ഥാനം പോലും ഓഫർ വന്നിട്ടും മാണി സാർ കടുത്ത തീരുമാനം ഒന്നും എടുക്കാത്തത്? ഇപ്പൊ ഇടത്തോട്ട് ചാടിയാൽ തല്ക്കാലത്തേക്ക് മുഖ്യമന്ത്രി സ്ഥാനവും രണ്ടു പാർലമെന്റ് സീറ്റും കിട്ടുമായിരിക്കും പക്ഷേ അടുത്ത ഒരു വ്യാഴവട്ടതിനുള്ളിൽ കേരളാ കോണ്‍ഗ്രെസ്സിന്റെ കാര്യം ഒരു തീരുമാനം ആവും. ശക്തിയുള്ളവൻ നിലനിൽക്കും എന്നുള്ളത് ഒരു പ്രപഞ്ച സത്യമാണ്. അത് ശരീര ശക്തി തന്നെ ആവണമെന്നില്ല, ബുദ്ധിശക്തി ആയാലും മതി.
ഞാൻ കരുതുന്നു CPIM ന്റെ ഏറ്റവും ധീരമായ ഒരു തീരുമാനമാണ് ബേബി സഖാവിനെ കൊല്ലത്ത് മത്സരിപ്പിക്കാൻ എടുത്തത്. RSP മുന്നണി മാറിയാലും കൊല്ലം സീറ്റ്‌ കയിൽ തന്നെ വക്കും എന്നാ തീരുമാനം. RSP യെ പിണക്കിയത്തിൽ പരിഭവം പൂണ്ട കൊല്ലത്തെ അണികൾക്കു വളരെ വലിയ ഒരു ഉത്തരവാദിത്വമാണ് CPIM നേതൃത്വം നല്കിയിരിക്കുന്നത്. ഇപ്പൊ കൊല്ലം സീറ്റ്‌ എങ്ങനെയും നേടുക എന്നത് ഓരോ CPIM കാരന്റെയും അഭിമാനത്തിന്റെ പ്രശ്നമാണ്. RSP പോയപ്പോൾ മറ്റൊരു പാർട്ടിക്ക് സീറ്റ്‌ കൊടുത്തത് വെറും തന്ത്രം മാത്രമാണ്, കളഞ്ഞിട്ടു പോകേണ്ട കാര്യമില്ലായിരുന്നു എന്ന് RSP ക്ക് തോന്നണം മാത്രമല്ല രണ്ടു മരുമക്കൾ ഒരുമിച്ചു വീട് വിട്ടു പോയാ അമ്മായിഅമ്മേടെ പിടിപ്പുകേടാണെന്ന് നാട്ടുകാര് പറയുകേം ചെയയും. ഇനിയൊരു രണ്ടു വ്യഴവട്ടങ്ങൾക്കുള്ളിൽ കേരളത്തിൽ ഒരു പാർട്ടിയും ഒരു മുന്നണിയും തമ്മിലായിരിക്കും മത്സരം (BJP അക്കൗണ്ട്‌ തുറന്നില്ലെങ്കിൽ). CPIM വളരുകയാണ്, തളരുകയല്ല.
ഇനി പറയാൻ പോകുന്ന കാര്യം ഇച്ചിരി പെഴ്സണൽ ആണ്. മറ്റൊന്നുമല്ല, രണ്ടു മുന്നണികളും ഞങ്ങൾ ചാലക്കുടിക്കാരോട് ചെയ്തത് വല്ലാത്ത ചെയ്ത്തായിപ്പോയി. ഇച്ചിരി കൊള്ളാവുന്ന ആരെയും കിട്ടിയില്ലേ സ്ഥാനാർഥി ആക്കാൻ? (കൊള്ളാവുന്ന എന്ന് കവി ഉദേശിച്ചത് രാഷ്ട്രീയത്തിന് കൊള്ളാവുന്ന എന്നാണ്, സിനിമക്ക് എന്നല്ല). തൃശ്ശൂര് ടോൾ പ്ലാസ ഉണ്ടാക്കിയ ചേട്ടനെ അവിടുന്ന് പാർസൽ ചെയ്ത് ചാലക്കുടിയിൽ ഇറക്കി. ചാലക്കുടി പാലത്തിനും ടോൾ വക്കാൻ ആണെന്നാ facebook ചേട്ടന്മാർ പറയുന്നേ. പിന്നെ ഞങ്ങടെ ഇന്നച്ചൻ. പുള്ളിക്കാരനെ ഞങ്ങക്കൊക്കെ പെരുത്ത് ഇഷ്ടാ, സിനിമേ കാണാൻ. പണ്ടെങ്ങാണ്ടോ ഇരിഞ്ഞാലക്കുട മുന്സിപൽ കൌണ്സിലർ ആയതാണ് ആകെയുള്ള രാഷ്ട്രീയ പരിചയം (ഒരു രാഷ്ട്രീയ പരിചയവുമില്ലാത്ത അരവിന്ദ് കേജ്രിവാളിനെ മുഖ്യമന്ത്രി ആക്കിയ നാടല്ലേ ഇത് എന്നൊന്നും ചോദിക്കരുത്), അതിനെപ്പറ്റിയാണെങ്കി പുള്ളിക്കാരന് തന്നെ വല്യ മതിപ്പില്ല. പിന്നെ ഒരു ഗുണമുള്ളത് സഖാവ് പിണറായിയെപ്പോലെ ഒരു സംഘടനയെ ഒരു വ്യാഴവട്ടക്കാലം നയിച്ചു എന്നുള്ളതാണ്. അതൊരു ചെറിയ കാര്യമല്ല. കാര്യം എണ്ണത്തിൽ കുറവാണെങ്കിലും കുറെ മലയാളികളെയല്ലേ നയിച്ചു ശീലിച്ചിരിക്കുന്നത്, അതുകൊണ്ടൊരു പ്രതീക്ഷ. (ഒരേ ഒരു വിഷമമേ ഉള്ളൂ, ഇന്നച്ചൻ എല്ലാം തുറന്നു പറയുന്ന ആളാണ്‌. ഇനി ഒരു നാലഞ്ചു വർഷങ്ങൾക്കപ്പുറം ഇന്നച്ചൻ സ്റ്റൈലിൽ - 'ലാലും മമ്മൂട്ടിയും ഒക്കെ എന്നെപ്പോലെ നടന്മാരാണ്, പക്ഷേ അവർ പദ്മശ്രീയും കേണലും ഒക്കെ ആയതോണ്ട് മരിക്കുമ്പോ ഒരു ആചാരവെടി ഒക്കെ കിട്ടും, എനിക്കും അങ്ങനെ എന്തേലും കിട്ടണം എന്നൊരു പൂതി, അതിന്റെ പുറത്താണ് പർലമെന്റ് ഇലക്ഷനിൽ മത്സരിച്ചത്' - എന്ന് ഇന്നച്ചൻ പറയാതിരുന്നാ മതിയായിരുന്നു)
ഇന്നലെ facebook ഇൽ ഇന്നച്ചന്റെ ഒരു പോസ്റ്റ്‌ കണ്ടു, ആത്മകഥയിൽ നിന്നും ഒരു അദ്ധ്യായം. വളരെ വൈകാരികമായി അദേഹത്തിന്റെ അപ്പനെക്കുറിച്ചും പാർട്ടിയെ കുറിച്ചും എഴുതിയിട്ടുണ്ട്. അത് എടുത്ത് facebook ഇൽ ഇടാൻ കാണിച്ച ബുദ്ധിക്ക് ഒരു സലാം. (ഇന്നച്ചൻ രാഷ്ട്രീയം പഠിച്ചു... ). ആ അദ്ധ്യായം ഇന്നച്ചൻ അവസാനിപ്പിക്കുന്നത് ഇങ്ങനെയാണ്. എന്നെങ്കിലും ഒരിക്കൽ ഒരു യഥാർത്ഥ കമ്മ്യൂണിസ്റ്റ്‌കാരനെ കണ്ടെത്തുകയാണെങ്കിൽ അപ്പന്റെ കുഴിമാടത്തിൽ കൊണ്ട് വന്ന് ഇങ്കിലാബ് വിളിക്കും എന്ന്. എനിക്കൊന്നേ പറയാനുള്ളൂ, ഒരു കഥയാണ്. പണ്ട് ഒരാൾ ദൈവത്തെ തേടി ഇറങ്ങി. ഒരുപാടു അമ്പലങ്ങളിലും പള്ളികളിലും അലഞ്ഞു നടന്നു, ഒടുവിൽ നിരാശനായി നിൽക്കുമ്പോൾ ഒരു പാവം അപ്പൂപ്പൻ അയാളോട് പറഞ്ഞു, നീ ദൈവത്തെ എല്ലായിടത്തും തിരഞ്ഞു ഒരിടത്തൊഴിച്; നിന്റെ ഉള്ളിൽ.
അത് പോലെ ഇന്നച്ചൻ ചേട്ടാ സ്വന്തം ഉള്ളിലേക്ക് നോക്കൂ അവിടെ സ്വയം ഒരു യഥാർത്ഥ കമ്മ്യൂണിസ്റ്റ്‌കാരനെ കാണുന്നെങ്കിൽ ധൈര്യമായി അപ്പന്റെ കുഴിമാടത്തിൽ പോയി ഇങ്കിലാബ് വിളിക്കൂ. ലാൽ സലാം.
TP വധക്കേസിന്റെ പാർട്ടി റിപ്പോർട്ട്‌ അണികൾ പോലും വിശ്വസിക്കില്ല എന്നാണ് KK രമ പറയുന്നത്. അത് എഴുതിയുണ്ടാക്കിയ ആൾക്കാർ പോലും വിശ്വസിച്ചിട്ടില്ല പിന്നല്ലേ അണികൾ.
ഇടക്കൊക്കെ CPIM നു ചരിത്രപരമായ മണ്ടത്തരം പറ്റും എന്ന് പറയുന്നത് ഇതാണ്. TP മരിച്ചത് അധികാരത്തിനു വേണ്ടി ആയിരുന്നില്ല, ആയിരുന്നെങ്കിൽ TP കൊല്ലപ്പെടുമായിരുന്നില്ല. TP യുടെ മരണം ഒരു നിലപാടിന് വേണ്ടിയായിരുന്നു. (യേശുദേവൻ ക്രൂശിക്കപ്പെട്ടതും ഒരു നിലപാടിന് വേണ്ടിയായിരുന്നു). അതുകൊണ്ടാണ് TP വധം ഇപ്പോഴും CPIM നെ വെട്ടയാടിക്കൊണ്ടിരിക്കുന്നത്. പക്ഷെ ഈ ഒരു കാരണം കൊണ്ട് മാത്രം പാർട്ടിയുടെ അടിത്തറ ഇളകി എന്നൊക്കെ പറയുന്നത് അമൃതാനന്ദമയിയെക്കുറിച്ചുള്ള ആരോപണങ്ങൾ ഹിന്ദു മതത്തെ തകർക്കും എന്ന് പറയുന്ന പോലെ ബാലിശമാണ്.
എഴുതി വന്നപ്പോ ഒത്തിരി കൂടിപ്പോയി. സദയം ക്ഷമിക്കുക.
ഇനി ഇത്രേം വായിച്ചതും പോര എന്നെ നാലു ചീത്ത കൂടെ വിളിക്കണം എന്നുള്ളവർക്ക് താഴെ കമന്റ്‌ ബോക്സിൽ കാര്യം സാധിക്കാവുന്നതാണ്. അമ്മയാണെ ഞാൻ കമന്റ്സ് വായിച്ചു നോക്കില്ല. പിന്നെ എന്തൊക്കെ വിളിച്ചാലും എന്നെ കോണ്‍ഗ്രെസ്സുകാരാ എന്ന് മാത്രം വിളിക്കരുത്. വെറുത്തു പോയി, അതുകൊണ്ടാ.
ഇതിൽ എഴുതിയിരിക്കുന്ന ഓരോ വരിക്കിടയിലും വായിച്ചു സംശയോം ചോദിച്ചോണ്ട് വന്നേക്കരുത്. പാർട്ടി സ്റ്റഡി ക്ലാസ്സിലോന്നും നേരെ ചൊവ്വേ വരാത്തത് കൊണ്ടാണ് നിങ്ങൾക്കൊന്നും മനസ്സിലാവാത്തത്.
അടിവസ്ത്രം: (ഛെ തെറ്റി, ഉറക്കപ്പിച്ചാ ക്ഷമിക്കണം. അടിക്കുറിപ്പ്: )
കേരളത്തിൽ 20 സീറ്റും UDF നേടും - രമേശ്‌ ചെന്നിത്തല
തോല്ക്കുന്നതിനു തൊട്ടു മുൻപ് വരെ, ആത്മവിശ്വാസം വളരെ നല്ലതാണു - ലാലേട്ടൻ
